دەشڵێت، بەداخەوە دەسەڵاتدارانی هەرێم و حکومەتە ماوەبەسەرچوەکەی هەرێم جگە لە ماڵوێرانی و سفرەی خاڵی و ماڵی سارد و پڕزوقم و تاریک بۆ زۆرینەی خەڵکی کوردستان هیچ بەرهەمێکی تری نەبووە و نیە.

ئاماژەی بەوەشداوە، لە یەکێک لە سارترین شوێنەکانی کوردستان، شاری پێنجوێن جگەلەوەی تەنها ١٧٠ لیتر نەوتی سپی دابینکراوە و بەنرخێکی گران ئەوا کارەبای شارەکەیان بەڕێژەیەکی زۆر کەمکردووەتەوە.

باسی لەوەشکردووە، لەم زستانەیا و زۆرینەی خەڵکی شاری پێنجوێن لەماوەی ٢٤ کاتژمێردا ١١ کاتژمێر بەردەوام بێکارەبان.

دەشڵێت، هیچ جۆرە لێکۆڵینەوە و ئامارێک نیە لە ژمارەی ئەو هاوڵاتییانەی ساڵانەی بەهۆی سەرماوە کۆچیدوایی ئەکەن.

ئەوەشی خستووەتەڕوو، کۆتاییەکانی مانگی ١٢ و هەموو مانگی ١ی هەموو ساڵێک رێژەیەکی زۆر بەفر لەو ناوچانە دەبارێت و ئاوڕدانەوە لەو خەڵکە ژیانیان دەپارێزێت بەپێچەوانەوە ژیانی چەندین مناڵ و بەتەمەن دەکەوێتە مەترسییەوە.

ئاریان تاوگۆزی لە کۆتایی پەیامەکەیدا دەڵێت، پارتی و یەکێتی لەچەند جێگایەک چەند شۆوڕومێکیان کردووەتەوە و شاندە بیانییەکان دەبەنە ئەو شۆوڕومانەو بەنیازن خەڵکی بیانی بەوە تێبگەیەنن کە ئەمە نمونەی کوردستان و ژیانی خەڵکی کوردستانە. سەردانی سەرۆکی حکومەتی ماوەبەسەرچوو لەگەڵ سەرۆکی هەنگاریا بۆ قوتابخانەیەکی تایبەت بووەتە جێگای گاڵتەجاڕی خەڵک.