دەشڵێت، یەکپۆشی ھاوکاری و نزیکبوونەوە و رێکەوتن زیاتر دەکات، خەرجی خوێندکار و کەسوکارییان بۆ کڕینی مۆدێلاتی پۆشاک کەمدەکاتەوە، لەبری ئەوە پاشەکەوت دەکەن بۆ پێداویستیەکانی تری رۆژانەیان.

ئەوەشی خستووتەڕوو، یەکپۆشی کات وھەوڵ بۆ خوێندکار دەگێڕێتەوە کە لەدەستی بدات بۆ ھەڵبژاردنی نوێترین مۆدێل و رەنگی پۆشاک و ململانێ لە مۆدێلات و شانازیکردن بە پۆشاکەوە.

پێشڕەو عەزیز باسی لەوەشکردووە، یەکپۆشی ھەستکردنی خوێندکار بە کەسێتی زانستی و ناسنامەی زانکۆیی خۆی زیاتر دەکات و وادەکات پابەندبێت بە ھەلسوکەوتی گونجاو لەگەڵ ئادابی گشتی، ئەمانەش وادەکات رەچاوی پێگەی خۆی و کەسانی تر بکات دەرکەوتنێکی شایستە و دیاردەیەکی شارستانیە و رەچاوکردنی تایبەتمەندێتی حەرەمی زانکۆییە و ئاسایش و ئارامی بەزانکۆ دەدات.

یاریدەدەری سەرۆکی زانکۆی سلێمانی بۆ کاروباری خوێندکاران ئەوەشی ئاشکراکردووە، لەگەڵ ھەمو باشییەکان ھەندێک پێیان وایە یەکپۆشی دژی ئازادی تاکەکەس و ئازادی رادەربڕین و نەھجی دیموکراتیەتە، رەچاوی ئەو جیاوازی و فرەییە ناکات کە سروشتی مرۆڤن و خەرجی زیادە و رۆتینات و بێزاری وتوندی تێدایە بۆ خوێندکار، لەگەڵ ئارەزوی ھەندێک خوێندکار یەکناگرێتەوە، وە ھەندێک ترسیان لە توانای پابەندبونیان ھەیە، کاری لیژنەی بەرزەفتەکردنی کۆلێجەکان زیاتر دەکات.