PM:10:53:15/01/2026
92 جار خوێندراوەتەوە
+
-
ئینریکی جەختیکردەوە شکستی یاریی رابردوو لەبیردەکەن و
دەیانەوێت بە کاتی پێشەنگی وەربگرنەوە.
پێش رووبەرووبوونەوەی لیل لە خولی فەرەنسا، لویس ئینریکی
راهێنەری پاریس سان جێرمان وتی: ڕووبەڕووبوونەوەی لیل هەمیشە یارییەکی قورسە،
تیپێکی بەهێزە و چ لە کاتی هەبوونی تۆپ یان بێ تۆپ، کارەکان بە باشی ئەنجام دەدەن
و کوالێتییەکی بەرزیان هەیە.
وتیشی: دوای شکست هەمووان دەیانەوێت بگەڕێنەوە سەر ڕێڕەوی
سەرکەوتن، یاریی رابردوو یارییەکی باشمان کرد، بەڵام رووبەرووی تیپێک بووینەوە کە
گۆڵپارێزێکی نایابی هەبوو.
ئاماژەی بەوەشکرد، ئەم وەرزە بەهۆی زۆری یارییەکان و چوونی
یاریزانەکان بۆ یارییە نێودەوڵەتییەکان پێویستی بە بەڕێوەبردنێکی وردتر هەیە و
دەبێت بە وریایی پشوو بە یاریزانەکان بدات.
ئینریکی جەختیشیکردەوە کە، دەیانەوێت شکستی یاریی رابردوو
لەبیربکەن، ئامانجی تیپەکەیان تەنها بردنەوەیە بۆ ئەوەی بچنە پێشەنگ ئەگەر بە
شێوەیەکی کاتیش بێت.