PM:12:39:25/12/2025
88 جار خوێندراوەتەوە
+
-
مەحرەز پێیوایە جەزائیر پاڵێوراوی سەرەکی بردنەوەی جامی ئەفریقا
نییە بەڵام دەبێت ئاستی بەرز پێشکەش بکەن.
ڕیاز مەحرەز، ئەستێرەی هەڵبژاردەی جەزائیر لە چاوپێکەوتنێکدا دوای
یارییەکە وتی: هەمیشە گرنگە پاڵەوانێتییەکە بە باشی دەستپێبکەیت، سەرەتای یارییەکە
گۆڵێکمان تۆمارکرد، بەڵام لە تایمی یەکەمدا وەک پێویست نەبووین.
وتیشی: لە تایمی دووەمدا ئاستێکی باشمان پێشکەش کرد و لە کاتی
گونجاودا گۆڵمان تۆمارکرد، ئەوەش گرنگترین شتە لە یارییە سەختەکان و لە سەرەتای
پاڵەوانێتییەکەدا.
دەشڵێت: ئێمە تەرکیزمان هەیە و دەبێت کاری خۆمان بکەین، لە یاری
دووەمدا دەبێت ئاستی خۆمان بەرز بکەینەوە و یەکگرتووتر بین ئەگەر بمانەوێت لە
بورکینافاسۆ ببەینەوە.
مەحرەز جەختیشیکردەوە، ڕکابەرەکەی داهاتوو بەهێزترە، بۆیە دەبێت
زۆر باشتر بین لە یاریگادا، سەرجەم رکابەرەکانی پاڵەوانێتییەکەش بەهێزن و ئێمە
پاڵێوراوی سەرەکی نین بۆ بردنەوەی نازناوەکە.