PM:06:52:30/10/2025
88 جار خوێندراوەتەوە
+
-
ئینزاگی رایگەیاند لە پێگەی خۆیان رازین و دەیانەوێت
بەردەوامبن لە رکابەری لەسەر نازناوی خولی سعودیە.
پێش رووبەرووبوونەوەی شەباب، سیمیۆنی ئینزاگی راهێنەری
هیلال رایگەیاند، دەیانەوێت بردنەوە بەدەستبهێنن و بەردەوامبن لە رکابەری
بەدەستهێنانی خولەکە لەم وەرزەدا.
ئینزاگی دوپاتیشیکردەوە، لە پێگەی خۆیان رازین لە ریزبەندی
خولی سعودیە، وەرزەکەش دوورودرێژە و دەیانەوێت پشودرێژبن تا دەگەن بەو ئامانجانەی کە
کاری بۆ دەکەن.
دەشڵێت: ئامادەکاری تەواویان کردووە بۆ یارییەکە و
ئامانجیان بەدەستهێنانی سێ خاڵە و هیچیتر، پێویستیان بە پشتگیری هاندەرانیش هەیە
تا یاریزانەکان هەموو ئەوەی لە توانایاندایە پێشکەشی بکەن.
وتیشی: خولی سعودیە بەردەوامە لە پێشکەوتن و یانەکانی
زۆر بەهێزن و خولێکی پڕ رکابەرییە، رەنگە چاوەڕوانییەکان بۆ ئەم خولە جیاوازبن،
بەڵام کاتێک کاری تێدا دەکەیت زیاتر بۆت دەردەکەوێت.