AM:09:36:20/09/2025
116 جار خوێندراوەتەوە
+
-
بە فەرمی بواتینگ وازهێنانی لە یارییکردن
راگەیاند و دوپاتیکردەوە سوپاسی هەمووان دەکات.
جیرۆم بواتینگی ئەستێرەی پێشووی
هەڵبژاردەی ئەڵمانیا بە فەرمی و لە ئەژماری تایبەتی خۆی لە تۆڕی کۆمەڵایەتی
ئینستاگرام لە تەمەنی 37 ساڵیدا وازهێنانی یەکجاری لە یارییکردنی تۆپی پێ
راگەیاند.
بواتینگ نوسیویەتی، ماوەی چەندین ساڵە
لەگەڵ وڵاتەکەی و یانە گەورەکان یاریی کردووە و لە سەرجەم ئەو ئەزمونانەدا فێربووە
و براوە و دۆڕاویش بووە و تۆپی پێ زۆر شتی پێبەخشیوە.
دەشڵێت، ئێستا کاتی ئەوە هاتووە شتێکیتر
بکەم نەک لەبەرئەوەی ناچار بم بەڵکو لەبەرئەوەی ئامادەم، سوپاسی یانەکان و
هاندەران و هەموو ئەوانە دەکەم کە پشتگیریان کردووم، بە دڵنیاییشەوە سوپاسی
خێزانەکەم و منداڵەکانم دەکەم.
بواتینگ لە بەرلینی پایتەختی ئەڵمانیا
لەدایکبووە و سەرەتا لە یانەی هێرتا بەرلینەوە دەستی کردووە بە یارییکردن، دواتر
چووەتە یانەکانی هامبۆرگ و مانچستەر سیتی و بایرن میونشن، چەندین نازناوی گەورەی
لەگەڵ یانەکان بەدەستهێناوە.
ئەو یاریزانە 76 یاریی بۆ هەڵبژاردەی
ئەڵمانیا ئەنجامداوە و نازناوی مۆندیالی 2014ی لەگەڵدا بەدەستهێناوە.
خ . ک