PM:09:35:14/08/2025
200 جار خوێندراوەتەوە
+
-
لیڤاندۆڤسکی لە پێکانەکەی چاکبووەتەوە بەڵام بەشداریی یەکەم یاریی
بەرشەلۆنە لە لا لیگا ناکات.
بە گوێرەی زانیارییەکانی رۆژنامەی مۆندۆ دیپۆرتیڤۆ، رۆبێرت لیڤاندۆڤسکی پۆڵەندی،
هێرشبەری یانەی بەرشەلۆنە، لە پێکانەکەی چاکبووەتەوە و بەشداری مەشقە بە کۆمەڵەکانی
یانەکەی کردووە.
لیڤا لە یاریی جامی خوان گامبەر بەرامبەر کۆمۆی ئیتاڵی بەهۆی پێکانەوە
بەشداریی نەکرد، بەرشەلۆنەش رایگەیاند کە چاکبوونەوەی بەندە بە خێرایی وەڵامدانەوەی
جەستەی.
مۆندۆ ئاشکرایکردووە، پێکانی لیڤا قورس نییە، بەڵام پێشتر یاریزانەکە لە
هەمان شوێن تووشی پێکان بووە، لەبەر ئەوە فلێک دەیەوێت زیاتر پشووی پێبدات و بە وریاییەوە
مامەڵەی لەگەڵدا بکەن.
لیڤا لەگەڵ بەرشەلۆنە بەشداریی لە یاریی هەفتەی یەکەمی لا لیگا بەرامبەر
ریال مایۆرکا ناکات، بەڵام هانسی فلێک بریاریداوە پشت بە فیران تۆرێس ببەستێت،
چونکە تا ئێستا ناوی مارکوس راشفۆرد تۆمار نەکراوە.