PM:11:01:12/10/2025
148 جار خوێندراوەتەوە
+
-
بەرشەلۆنە ملکەچی زۆرێک لە داواکانی باوکی یامال
بووە و ئەوەش ژووری جلگۆڕینی یانەکەی نیگەران کردووە.
لە چەند مانگی رابردوودا، دوای ئەوەی رۆڵیلامین یاماڵ لەگەڵ بەرشەلۆنە گرنگتر بوو، دەنگۆی زۆر لەسەر مونیر نەسراوی باوکی و رەفتارەکانی دوای
بەناوبانگبوونی بڵاوبووەوە، دواتر یانەکە هەوڵیدا دەنگۆکان کپ بکاتەوە و دۆخەکە
ئاسایی بکەنەوە، بەڵام لە ئێستادا رۆژنامەنووسی بەناوبانگ ڕۆمان مۆلینا، چەند
بابەتێکی نوێ و وردی لەو بارەیەوە درکاندووە.
بەپێی بڵاوکراوەیەکی رۆژنامەنووسەکە، باوکی لامین
یامال وردە وردە هەستی بە کاریگەری و گرنگیپێدانی یانەی پاریس سان جێرمان و ئاست
بەرزی کوڕەکەی کردووە، هەر ئەوەش وایکردووە بەردەوام داواکارییەکانی لەسەر یانەکەی
کەتەلۆنیا زیاتر بکات.
یەکێک لە داواکارییەکانی باوکی یامال ئەوە بووە
کە وتویەتی: دادپەروەرانە نییە کوڕەکەم لە کێبڕکێی تۆپی ئاڵتونیدا پشتگیری پێویست ناکرێت
و یانەکە زیاتر گرنگی بە رافینیا دەدەن.
هەر ئەمەش وایکردووە، لەو ساتەوە یانەی بەرشەلۆنە
و میدیا نزیکەکانی رەوتی پاڵپشتییەکانیان بەرەو لامین یاماڵ بگۆڕن و یاریزانەکە
وەک پاڵێوراوی سەرەکی باڵۆن دۆر ناوببەن، تەنانەت فشارەکان بە جۆرێک بووە یەکێتی
تۆپی پێی ئیسپانیاش پشتگیری یاریزانەکەی کردووە.
مۆلینا باسی لەوەشکردووە، باوکی لامین یاماڵ
داواکاری سەیری لە یانەکە کردووە و ئەوانیش جێبەجێیان کردووە لە نێویاندا
دابینکردنی فڕۆکەی تایبەت بۆ کوڕەکەی، لەژووری جلگۆڕینی بەرشەلۆنەش دڵگرانن
سەبارەت کاریگەرییەکانی باوکی ئەستێرەکە لەسەر یانەکە، چونکە هەمیشە درووشم و
فەلسەفەی بەرشەلۆنە یەکدەنگی و بەکۆمەڵ بوون بووە.