PM:05:09:15/03/2025
80 جار خوێندراوەتەوە
+
-
ئینزاگی
رایگەیاند دوو باشترین یانەی هێرشبەری ئیتاڵیا ڕووبەڕووی یەکتری دەبنەوە و ئێمە
ئامادەین بۆئەم جۆرە یارییانە.
سیمیۆنی
ئینزاگی پێش ڕووبەڕوبونەوەی ئەتڵانتا وتی ئێمە باش ڕکابەرەکەمان دەناسین و دەزانین
لە خولی ناوخۆی و پاڵەوانێتییە ئەوروپییەکان ئاستێکی چەند باش پێشکەش دەکەن لە
ماوەی ئەم چەند ساڵەی کۆتاییدا.
ئینزاگی
بەردەوامبوو لە ستایشکردنی ئەتڵانتا و وتی یەکێکن لە باشترین تیپە هێرشبەرییەکانی
جیهان و لە ئیتاڵیایش هاوشانی ئێمە باشترین تیمن بۆ هێرشبردن.
راهێنەرەکە لە
درێژەی قسەکانیدا جەختی لەوەکردەوە یاریزانەکانی لە بەهێزی و گرنگی یارییەکە
ئاگادارکردووەتەوە و بە هەموو هێزییانەوە دەچنە یاریگاوە.
لەهەمان کاتدا
ئەوەی ئاشکراکرد پێویستە بەردەوامبن لە ڕکابەریکردنی نازناوەکان و نابێت بە هیچ
شێوەیەک هەڵە بکەن، چونکە ئەوەی تا ئەمڕۆ بەدەست هاتووە تەنها ئەنجامێکی باشە و
تاوەکوو ئێستا هیچ نازناوێکیان یەکلانەکردووەتەوە.
لە کۆتاییدا
سیمیۆنی ئینزاگی دەستخۆشی لە هاندەرانی یانەکەی کرد و داوای لێکردن بەردەوامبن لە
هاندانیان بۆ ئەوەی لە کۆتایی وەرزدا پێکەوە ئاهەنگی سەرکەوتن بگێڕن.
چۆمان سدیق