AM:10:30:14/03/2025
148 جار خوێندراوەتەوە
+
-
ئەمۆریم دوپاتیكردەوە لە
بەرەوپێشچووندان و باسی لە چەند یاریزانێك و بارودۆخی تیپەكەشی كرد.
پاش بردنەوەیان لە ریاڵ
سۆسیداد و گەیشتنیان بە قۆناغی چارەكی كۆتایی یۆرۆپا لیگ، رۆبن ئەمۆریمی راهێنەری
مانچستەر یونایتد رایگەیاند، یارییەكی باشیان ئەنجامداوە و یاریزانەكانی زۆر
وریاتر لە پێشتر مامەڵەیان دەكرد و ئەوەش نیشانەی ئەوەیە لە رێگەیەكی درووست دان.
وتیشی: خەریكە فێردەبم چۆن یاریزانی وەک کاسیمیرۆ بەکاربهێنم، هەم ئەو و چ چەند یاریزانێکی
دیکە، بە بژاردەی سنووردارەوە، هەوڵدەدەین بیانخەینە باشترین شوێن و ئەوەش یارمەتیدەرێکی
زۆرمان دەبێت، ئامانجیش لەم كارە دۆزینەوەی باشترین چارەسەرەکانە بۆ تیپەكەمان.
باسی لەوەشكرد، لە ئێستادا هۆیلاند وەك یاریزانێكی ژمارە
10 ئاستێكی بەرز پێشكەش دەكات و تەنیا شت كە پێویستیەتی گۆڵ تۆماركردنە، لەبارەی
برۆنۆش ئاماژەی بەوەدا، یاریكردن ئەو قورسە چونكە خواستیكی زۆری بۆ بردنەوە هەیە،
هەندێك جاریش پێگەی خۆی دەگۆڕێت و متمانەی بە هاوڕێكانی نییە، ئەمەش وایكردووە هەست
بە دڵەڕاوكێ بكات.
جەختی لەسەر ئەوەشكردەوە، هۆكاری بردنەوەكەیان كەمی یاریزانانی
سۆسیداد نەبووە و یاری داهاتووشیان بەرامبەر لیۆن بەهێز دەبێت.