PM:05:43:13/03/2025
176 جار خوێندراوەتەوە
+
-
لیستی هەڵبژاردەی فەرەنسا
بۆ دوو یاریی داهاتوو بڵاوکرایەوە و سێ یاریزانی ریاڵ مەدرید و یاریزانێکی
بەرشەلۆنەی تێدایە.
دیدیە دیشامپی راهێنەری فەرەنسا
لیستی یاریزانەکانی هەڵبژاردەکەی بۆ دوو یاریی داهاتوو بەرامبەر هەڵبژاردەی کڕواتیا
لە خولی نەتەوەکانی ئەوروپا بڵاوکردەوە سێ یاریزانی ریاڵ مەدرید و یاریزانێکی
بەرشەلۆنەش لەخۆدەگرێت.
لە لیستەکەدا چێڤالیێر،
مایک ماینان، بریک سامبا سەرکردایەتی هێڵی گۆڵ دەکەن، هەروەها جۆناسان کلاوس،
لوکاس دین، تیۆ هێرناندێز، ئیبراهیم کۆناتێ، جولێس کۆندی،بێنجامین پاڤارد، ویلیام
سالیبا و دایۆت ئۆپامیکانۆ وەک بەرگریکار ناویان هاتووە.
هەروەها لە هێڵی ناوەڕاستی
کەڵەشێرەکان هەریەکە لە، ئیدواردۆ کاماڤینگا، ماتیۆ گوێندۆوزی، مانو کۆنێ، ئەدریان
رابیۆت، ئۆریلیان چوامینی و وران زایر ئیمری دەبیندرێن.
هەرچی هێڵی هێرشبەرە
کیلیان مباپێی یاریزانی ریاڵ مەدرید سەرکردایەتییان دەکات و ناوی هەریەکە لە
برادلی بارکۆلا، عوسمان دیمبلی، کۆلۆ موانی، مارکۆس تورام،مایکل ئۆلیس و دیزیری
دۆوی هاتووە.
بڕیارە هەڵبژاردەی
کەڵەشێرەکان لە 20 و 23ـی ئەم مانگە یاریی چوون و گەڕانەوە لە قۆناغی چارەکی
کۆتایی خولی نەتەوەکانی ئەوروپا بەرامبەر کڕواتیا ئەنجام بدەن.
بیلال کاکە
