بەرشەلۆنە داهاتێکی خەیاڵی لە چامپیۆنز لیگ دەستدەکەوێت

PM:02:55:22/01/2025

264 جار خوێندراوەتەوە

+ -

بەرشەلۆنە داهاتێکی خەیاڵی کۆکردووەتەوە و قۆناغی 16ی چامپیۆنز لیگ بە کۆکردنەوەی زیاتر لە 53 ملیۆن یۆرۆ دەستپێدەکات.

بەگوێرەی ڕۆژنامەی مۆندۆ دیپۆرتیڤۆی ئیسپانی، جگە لەو 18 ملیۆن و 62 هەزار یۆرۆیەی یەکێتی ئەوروپا گەرەنتی کردووە بۆ 36 تیپی بەشداربووی قۆناغی یەکەم، بەرشەلۆنە دوای هەر بردنەوەیەک بڕی دوو ملیۆن و 10 هەزار یۆرۆی کۆکردووەتەوە، بەمەش تا ئێستا یانە کەتەلۆنیەکە 12 ملیۆن و 60 هەزار یۆرۆی قازانج کردووە.

مۆندۆ ئەوەشی ئاشکراکردووە، بەرشەلۆنە دوای سەرکەوتن بۆ قۆناغی 16 بڕی 11 ملیۆن یۆرۆ وەردەگرێت، هەروەها بڕی هەشت ملیۆن یۆرۆی دیکەش وەک و مسۆگەرکردنی هەشت تیپی یەکەمی پێشەوەی ریزبەندی، بەمەش داهاتەکە دەبێت بە 44 ملیۆن و 22 هەزار یۆرۆ.

روونیشیکردووتەوە، لەگەڵ کۆتایی هاتنی قۆناغی کۆمەڵەکان، یەکێتی ئەوروپا 36 پاکێجی 275 هەزار یۆرۆیی دابەش دەکات، بە شێوەیەک لە هەر پلەیەکی ریزبەندییەکە بیت بە پێچەوانەی پلەکەت پاکێج وەردەگریت، واتە ئەگەر بەرشەلۆنە لە پلەی دووەمبێت 35 پاکێجی پێدەدرێت، بەمەش نۆ ملیۆن و 625 هەزار یۆرۆ بەدەست دەهێنێت.

ئەمە بەو واتەیە دێت بلاوگرانا قۆناغی 16ـی چامپیۆنز لیگ بە کۆکردنەوەی بڕی 53 ملیۆن و 845 هەزار یۆرۆ دەستپێدەکات، هەروەها 12 ملیۆن و 500 هەزار یۆرۆ وەردەگرێت ئەگەر سەربکەوێت بۆ قۆناغی چارەکی کۆتایی، 15 ملیۆن یۆرۆ ئەگەر بگاتە قۆناغی پێش کۆتایی، 18 ملیۆن و 500 هەزار  یۆرۆ, ئەگەر بگاتە یاری کۆتایی, لەگەڵ 25 ملیۆن یۆرۆ لە ئەگەری بردنەوەی نازناوەکە.
بیلال کاکە