PM:10:39:18/01/2025
272 جار خوێندراوەتەوە
+
-
لە خولی ئینگلتەرا
ئارسناڵ دوو خاڵی گرنگی لەدەستدا و بەرامبەر ئەستۆن ڤێلا بە دوو گۆڵ یەکسانبوو.
لە یارییەکی هەفتەی 22ـی
خولی ئینگلتەرا، یانەی ئارسناڵ لە یاریگای ئیمارات میوانداری ئەستۆن ڤێلای کرد.
تایمی یەکەم، مارتینێلی
بە ئەسیستی ترۆسارد گۆڵی یەکەمی تۆپ هاوێژەکانی تۆمارکرد و ئەو تایمەش بەو تاکە
گۆڵە کۆتایی هات.
لە تایمی دووەمدا،
یارییەکە زیاتر چرتر بووەوە و هاڤێرتز گۆڵی دووەمیشی بە ئارسناڵ بەخشی لە خولەکی
55، بەڵام ئەوەی گەنەرز چاوەڕێی نەدەرکرد روویدا بە شێوەیەک، لە خولەکەکانی 60 و
68 یانەی میوان دوو گۆڵی لە رێگەی
تیلیمانس و واتکینزەوە تۆمارکرد و یارییەکەی هێنایەوە خاڵی دەستپێک.
سەرەنجام یارییەکە بە
دوو گۆڵ بۆهەرلایەک کۆتایی هات، ئارسناڵ بە 44 خاڵ پلەی دووەمە و ئەستۆن ڤێلا پلەی
حەوتەمە بە 36 خاڵ.
بیلال کاکە