AM:10:33:14/12/2024
104 جار خوێندراوەتەوە
+
-
ئارسناڵ لەسەرداوای
ئارتێتا هاتە نێو کێبەرکێی گواستنەوەی دەیڤز لە یانەی بایەن میونشن.
پاش ئەوەی
گرێبەستی ئەلفۆنسۆ دەیڤز لە هاوینی داهاتوودا کۆتایی پێدێت و تاوەکوو ئێستا بەفەرمی
یانەکەی نەیتوانیوە بگاتە رێیکەوتن لەگەڵیدا سەبارەت بە درێژکردنەوەی ماوەکەی،
هەربۆیە کۆمەڵێک یانە پلانیان داناوە لە هاوینی داهاتوودا هەوڵی گواستنەوەی بدەن.
رۆژنامەی
زەسەن باسی لەوەکردووە لە ماوەکانی رابردوودا یانەکانی ریاڵ مەدرید و مانچستەر
یونایتد بە دیاریکراوی هەوڵی گواستنەوەی ئەو ئەستێرە کەنەدییەیان داوە، بەڵام لە
ئێستایشدا لەسەرداوای راهێنەری ئیسپانی میکێل ئارتێتا یانەی ئارسناڵ هەوڵی
گواستنەوەی دەدات.
سەرچاوەکە
باسی لەوەکردووە دووهۆکاری سەرەکی بووەتە هۆی ئەوەی یانە گەورەکانی ئەوروپا
رکابەری یەکتری بکەن لە گواستنەوەی بەرگریکارەکەی بایرن میونشن، یەکەم کۆتایی
هاتنی ماوەی گرێبەستەکەی لە ئەگەری درێژنەکردنەوە، چونکە هەر یانەیەک بیەوێت
دەتوانێت لە هاویندا بەخۆرای بیگوازێتەوە و لەهەمان کاتدا تەمەنی یاریزانەکە کە تەنیا
24 ساڵە.