PM:08:18:24/10/2024
116 جار خوێندراوەتەوە
+
-
جۆکۆڤیچ کشانەوەی لە پاڵەوانێتی ماستەرزی پاریس راگەیاند و هیوای خواست
ساڵی داهاتوو بتوانێت بگەڕێتەوە.
نۆڤاک جۆکۆڤیچی یاریزانی تێنسی سەرزەوی سربی و پاڵەوانی 24 جاری گراند
سلام، کشانەوەی خۆی لە پاڵەوانێتی ماستەرزی پاریسی فەرەنسا ڕاگەیاند کە لە 28ی ئۆکتۆبەر
تا سێی مانگی داهاتوو بەڕێوەدەچێت.
جۆکۆڤیچ لەو بارەیەوە وتی: بەداخەوە ئەمساڵ لە ماستەرزی پاریس ئامادە نابم،
داوای لێبوردنیش لە هەموو ئەو کەسانە دەکەم کە بە هیوای بینینی یاریکردنم بوون، هیوای
پاڵەوانێتییەکی نایاب بۆ سەرجەم یاریزانانی تێنس و سپۆنسەر و ڕێکخەران و هاندەران
دەخوازم، دوای حەوت نازناو، یادگاری نایابم هەیە لە ماستەرزی پاریس و هیوادارم ساڵی
داهاتوو بگەڕێمەوە.
جۆکۆڤیچ لە دوای ساڵی 2020ەوە بۆ یەکەمجار بەشداری پاڵەوانێتی پاریس ناکات،
کە حەوت جار بووەت پاڵەوان، لە یاری کۆتایی ساڵی 2023شدا لە گریگۆر دیمیترۆڤی
بولگاری بردبووەوە.