PM:03:39:11/08/2024
360 جار خوێندراوەتەوە
+
-
هەولێر و چوار
یانەی تری عێراق لەلایەن فیفاوە سزادراون و ناتوانن یاریزانی نوێ تۆمار بکەن.
بە پێی هەواڵی
میدیاکان بێت، یەکێتی تۆپی پێی جیهان پێنج یانەی عێراقی سزاداوە کە ئەوانیش هەولێر
و شوڕتە و کەربەلا و قاسم و حدودن.
هۆکاری ئەو سزایەی
فیفا بۆ ئەوە دەگەڕێتەوە کە ئەو یانانە لە ماوەی رابردوودا شایستەی دارایی چەند
یاریزانێکیان نەداوە.
کێشەکەی یانەی
هەولێر ئەوەیە کە ساڵی رابردوو گرێبەستیان لەگەڵ سامی هەمامی تونسی کردووە و دواتر
بە بێ ئاگاداری یاریزانەکە گرێبەستەکەیان هەڵوەشاندنووەتەوە، جگە لەوەش شایستە
داراییەکانی پێنەداوە کە 400 هەزار دۆلارە و تا ئەو کارەش نەکات ناتوانێت ناوی
یاریزانی نوێ تۆمار بکات چونکە ئەو یاریزانە لەلای فیفا سکاڵای یاسایی دژی یانە
کوردیەکە تۆمارکردووە.
گەورەترین سزاش بۆ
یانەی کەربەلا بووە کە بۆ ماوەی یەک ساڵ ناتوانێت هیچ گرێبەستێکی نوێ ئەنجامبدات بەهۆی
حەوەی شایستەی دارایی یاریزانێکی بەرازیلی نەداوە و ئەگەر لە ماوەی 30 رۆژی
داهاتوودا ئەو کارەش نەکات ئەوا ماوەی سزاکەی زیاد دەکرێت.
خ . ک