AM:09:54:20/09/2021
1372 جار خوێندراوەتەوە
+
-
پێلێی
ئەفسانەى بەڕازیلی هەوادارانی دڵنیاکردەوە بارودۆخی تەندروستی باشە و پێویست بە
نیگەرانی ناکات.
لە
پەیامێکدا لە تۆڕی کۆمەڵایەتی ئینستاگرام، پێلێی ئەفسانەى بەڕازیلی دووپاتیکردەوە
لە ئێستادا بارودۆخی تەندرووستی زۆر باشە و هیچ مەترسییەک لەسەر ژیانی نەماوە و
هەوادارانی دڵنیا دەکاتەوە لە داهاتوویەکی نزیکدا نەخۆشخانە بەجێدەهێڵێت و پێیان
شاد دەبێتەوە.
پێلێ
ئاشکراشیکرد، باش بوونی دۆخی تەندروستی دەگەڕێتەوە بۆ نیگەرانی هەوادارانی و ئەوەش وایلێکردووە لە ڕووی دەروونیەوە ورەى
بەرزبێتەوە و شەڕی نەخۆشییەکانی بکات و لەهەمان کاتیشدا سووپاسی سەرجەم کارمەندانی
نەخۆشخانەى ئالبەرت ئەنشتاینی کرد کە یەکێکن لە هۆکارەکانی مانەوەى لە ژیاندا.
پێلێ
سەرەتای ئەم مانگە لە ئاکامی پشکنینە ڕۆتینیەکانی، دەرکەوت گرێیەک لە ڕیخۆڵەیدا
هەیە و پاش ئەنجامدانی نەشتەرگەرییەکی سەرکەوتوو لە 14ی ئەم مانگە لە یەکەى
چاودێری چڕەوە خرایە ژورێکی ئاسایی بۆ تەواوکردنیماوەى چارەسەرەکانی، پێش ئەوەى جارێکی تر و بەهۆی کێشەى هەناسەدانەوە ڕەوانەى
یەکەى چاودێری چڕ بکرێتەوە.