PM:03:15:10/12/2021
580 جار خوێندراوەتەوە
+
-
دەستکەوتە
داراییەکانی ڕۆما لە قۆناغی کۆمەڵەکانی کۆنفرانس لیگ سەروو حەوت ملیۆن یۆرۆ بووە.
ڕۆژنامەى توتو
مێرکاتۆی ئیتاڵی ئاشکرایکرد، پێش هاتنی یادەکانی سەری ساڵ مۆرینۆی ڕاهێنەری یانەى
ڕۆما دیاری خۆی بەخشییە یانەکەى کە بڕەکەى حەوت ملیۆن و 500 هەزار یۆرۆ بووە.
پێکە ئیتاڵییەکە
وردەکاری داهاتە داراییەکانی ڕۆمای ئاشکراکرد کە وەک دەستکەوتێکی مۆرینۆی سەیر
دەکرێت و بڵاویکردەوە، یانەى ڕۆما دوو ملیۆن یۆرۆی بەهۆی بردنەوە لە قۆناغی
کۆمەڵەکانی کۆنفرانس لیگ و 600 هەزار یۆرۆی لە گەیشتن بە قۆناغی 16 و دوو ملیۆن و
940 هەزار یۆرۆی لە تێپەڕاندنی ترابزۆن سپۆر لە قۆناغە یەکلاکەرەوەکان دەستکەوتووە،
سەرەڕای داهاتێکی باش لە فرۆشتنی تکتی یارییەکان.
ڕۆما بە یەکەمی
کۆمەڵەی سێیەم گەیشتە قۆناغی 16ی کۆنفرانس لیگ و لەسەر ئاستی کالچیۆش بە 25 خاڵ و
بە جیاوازی 13 خاڵ لە میلانی پێشەنگ لە پلەى حەوتەمی ڕیزبەندی خولەکە دەبینرێت،
دووشەممەى داهاتووش لە هەفتەى 17ی خولی ئیتاڵیا بەرامبەر سیپیزیا یاری دەکات.