باسی لەوەشکرد، لە ماوەیەکی کورتدا گۆڕانکاری بەرچاو کراوە، هیوادارین بتوانین ئەم گۆڕانکاریانەی ئەم دواییە بۆ گەلەکەمان ڕوون بکەینەوە، چەند وردەکارییەک دەخەینەڕوو ئێمە چوینەتە قۆناغێکی نوێ و سەختییەکانی لە شەڕەکان گەورەترن

ئاماژەی بەوەشکرد، شەڕ لە سیاسەت ئاسانترە، قۆناغی ئێستا قۆناغی دامەزراندنی دادپەروەری و ئاشتی و دیموکراسییە، کە ئەوەش پرسێکی قورسە و پێویستی بە سەبر و خۆڕاگری هەیە بەوپێیەی قۆناغێکی سیاسییە.

وتیشی، قۆناغی داهاتو هیوایەکی گەورەی بۆ گەلانی ناوچەکە هەیە، ڕۆژانی داهاتو بۆ گەلەکەمان باش و جوان دەبن، خەونی ئەو شەهیدانەی کە گیانیان لە پێناو ئەم نیشتمانە فیدا کرد، بەدیدێت.

ڕوونیشیکردەوە، پرۆسەی هەڵوەشاندنەوەی فەرمی هێزەکانی سوریای دیموکرات هەسەدە و دەستنیشانکردنی مەزڵوم عەبدی وەک ڕاوێژکاری سەرۆک کۆماری سوریا، گۆڕانکارییەکی مێژویی و فەرمییە کە لە کۆتایی ه‌م مانگه‌دا، جێبەجێ کرا.

هاوکات بەپێی رێککەوتنەکە، سەرجەم هێزە سەربازییەکان، دەزگا ئەمنییەکان و دامەزراوە مەدەنی و کارگێڕییەکانی سەر بە بەڕێوەبەرایەتیی خۆسەر بە تەواوەتی تێکەڵی ناو سوپا و دامەزراوە فەرمییەکانی دەوڵەتی سوریا دەکرێن.