شارەزایەکی کەشناسی رایگەیاند، شەپۆلێکی دیکەی بارانبارین روو لە هەرێمی کوردستان دەکات و کۆتایی ئەم هەفتەیەش بە کەڵکی گەشت و سەیران نایەن.
ئەمڕۆ دووشەممە ٣٠ـی ئازاری ٢٠٢٦، هەڤاڵ سدیق گەڵۆزی، شارەزای کەشناسی بڵاویکردەوە، شەپۆلێکی تری بارانبارینی مامناوەند مەودا کورت و خێرا بەڕێوەیە و کەشوهەوای رۆژانی پێنجشەممە و هەینی بەکەڵکی گەشت و سەیران نایەن.
ئەوەشی خستەڕوو، لە ئەنجامی کاریگەری نزمە پاڵەپەستۆی دەریای سپی ناوەڕاست
و هاتنی بڕێکی شێ لەدەریای سوورەوە، لە پاش نیوەڕۆی رۆژی پێنجشەممەوە ئاسمان لەنیچمە
هەورەوە دەگۆڕێت بۆهەوری تەواو و شەپۆلێکی بارانبارینی مامناوەند تەواوی ناوچەکانی
هەرێمی کوردستان و عێراق دەگرێتەوە.
ئاماژەی بەوەشکردووە، "لە ناوچە شاخاوییەکانی باکووری ڕۆژهەڵاتی هەرێمی
کوردستان بارانەکەی مامناوەند بۆ بارانی بەخوڕدەبێت".
وتیشی، لە ناوچە دەشتاییەکانی هەولێر و کەرکووک و گەرمیان ئەگەری نمەباران
بۆ بارانی مامناوەند هەیە، لە ناوچەکانی باشوور و ناوەڕاستی عێراق ئەگەری نمەباران
هەیە.