PM:04:14:01/03/2026
1012 جار خوێندراوەتەوە
دارایی هەرێم دەڵێت، هەر خانەنشینێک ژمارەی کەسیی بێهاوتای نەبێت ناتوانرێت دۆسیەکەی بخرێتە ناو سیستمی خانەنشینییەوە و بە هیچ شێوەیەک مامەڵەی بۆ ناکرێت.
ئەمڕۆ یەکشەممە ١ـی ئازاری ٢٠٢٦، وەزارەتی دارایی هەرێم لە بڕیارێکدا وتی، ژمارەی کەسیی بێهاوتا(UPN)پێشمەرجە و هەر خانەنشینێک و هەر فەرمانبەرێک ئەو کۆدەی نەبێت، ناتوانرێت دۆسیەکەی بخریتە ناو سیستەمی خانەنشینییەوە و بە هیچ شێوەیەک مامەڵەی بۆ ناکرێت.
هاوکات، پێویستە فەرمانگەکان سێ مانگ پێش وادەی یاسایی
خانەنشینبوونی فەرمانبەر، دەست بە ئامادەکردنی دۆسیەکەی بکەن و بە شێوەی دیجیتاڵی
لە رێگەی سیستەمەوە ئاراستەی بەڕێوەبەرایەتیی خانەنشینیی بکەن.
