PM:07:06:07/02/2026
1472 جار خوێندراوەتەوە
پزیشکیک لە ئاکرێ لەکاتی ئەرکی خۆیدا بەچەقۆ هێرشکرایە سەری و بریندار کرا، تۆمەتبارەکەش لە لایەن پۆلیسەوە دەستگیرکراوە.
ئەمڕۆ شەممە ٧ـی شوباتی ٢٠٢٦، چآوگێک لە تەندروستی ئاکرێ بە ئێن ئاڕ تی وت، رووداوەکە لە نەخۆشخانەی گوڵان بووە لە ئاکرێ و ئەو کەسە بەبیانوی هەبوونی نەخۆش لە ناو ئۆتۆمبیلەکەی پزیشکەکەی هێناوەتە دەرەوە و هێرشی کردووەتەسەری.
ئاماژەی بەوەشکرد، پزیشکەکە تەندروستی جێگیرە و
لەژێر چاودێری پزیشکیدایە و تۆمەتبارەکەش لەلایەن پۆلیسی ئاکرێوە دەستگیرکراوە.
پێش رووداوەکەش، کەسی تۆمەتبار سەردانی نەخۆشخانەی
کردووە و بە هۆی ئەوەی لەژێر کاریگەری ماددە کحولییەوکاندا بووە رێگەی پێنەدراوە
بچێتە ژوورەوە.
