سەرۆکی ئەمریکا رایگەیاند، لەگەڵ ئێران تەنها لەبارەی بەرنامەی ئەتۆمییەوە رێکدەکەون و دەشڵێت، هەفتەی داهاتوو جارێکی تر لەگەڵ ئێران کۆدەبینەوە، ئەگەر رێکنەکەون دەرەنجامی قورسی دەبێت.
دۆناڵد ترەمپ، سەرۆکی ئەمریکا بە رۆژنامەنووسانی راگەیاند، "ئێران خوازیارە رێککەوتن بکەین و پێویستە هەرواش بێت، هەفتەی داهاتوو جارێکی تر کۆدەبینەوە، ئەگەر نەگەینە رێککەوتن، دەرەنجامەکانی زۆر قورس دەبێت".
هاوکات ترەمپ
دووپاتیکردەوە کە رێگە نادەن ئێران دەستی بەچەکی ئەتۆمی بگات و ئاماژەی بەوەکرد،
کاتیان هەیە بۆ رێککەوتن.
سەرۆکی ئەمریکا
وتیشی، ئەگەر ئێرانییەکان ئەوەی ئێستا پێشنیازی دەکەن، هەر لەسەرەتاوە پێشنیازیان
دەکرد، لەگەڵیان رێکدەکەوتن.
رۆژی هەینی ٦ـی
شوباتی ٢٠٢٦، هەردوو شاندی دانوستانکاری ئێران و ئەمریکا بەشێوەیەکی ناڕاستەوخۆ لە
مەسقەتی پایتەختی عومان کۆبوونەوە و لەسەر پرسی ئەتۆمی گفتوگۆیان کرد و تا ئێستاش
ئەنجامی کۆبوونەوەکە بەڕوونی ئاشکرا نەکراوە.