کەشناسی هەرێم دەڵێت، ئهمڕۆ ئاسمان هەوری تەواو دەبێت لە زۆربەی کاتەکانیشدا لە سنووری دهۆک و ناوچەکانی باکووری هەرێم نمەباران دەبێت، سبهینێش ئاسمان هەوری باراناوی دەبێت نمەباران و بارانی مامناوەند لە زۆربەی ناوچەکاندا دەبێت.
ئەمڕۆ شەممە، ٣١ـی کانونی دووەمـی ٢٠٢٦، بەڕێوەبەرایەتی گشتی کەشناسی هەرێم بڵاویکردەوە، ئاسمان هەوری تەواو دەبێت لە زۆربەی کاتەکاندا، لە سنووری پارێزگای دهۆک و ناوچەکانی باکووری هەرێم نمە باران دەبێت.
ئاماژەی بەوەشکرد، هاوکات لە ناوچە سنوورییەکانی باکوور بە رێژەیەکی کەم بەفر
دەبارێت و پاشان لە درەنگانی شەودا کاریگەری دابارین زیاد دەکات و لە زۆربەی ناوچەکانی
هەرێم نمە باران و بارانی مامناوەند دەبێت.
باسی لەوەشکرد، سبەی یەکشەممە، ئاسمان باراناوی دەبێت و نمە باران و بارانی
مامناوەند دەبێت لە زۆربەی ناوچەکان، لەدوای نیوەڕۆ کاریگەری دابارین کەمتر دەبێت،
بەڵام نمە بارانی بچڕ بچڕ بەردەوام دەبێت لە هەندێک کات و شوێندا.
بەرزترین
پلەکانی گەرمای پێشبینیکراو بۆ ئەمڕۆ شەممە:
هەولێر: ١٥
سلێمانی: ١٢
دهۆک: ١١
هەڵەبجە: ١٢
زاخۆ: ١١
پیرمام: ٩
سۆران: ٦
حاجی ئۆمەران: ٢
چەمچەماڵ: ١٢
ئاکرێ: ١١
بەرزترین
پلەکانی گەرمای پێشبینیکراو بۆ سبەی یەکشەممە:
هەولێر: ١٥
سلێمانی: ١٢
دهۆک: ١٢
هەڵەبجە: ١٣
زاخۆ: ١٢
پیرمام: ١٣
سۆران: ٧
حاجی ئۆمەران: ٣
چەمچەماڵ: ١٤
ئاکرێ: ١٣