PM:06:05:24/01/2026
940 جار خوێندراوەتەوە
جێگری حکومەتی ماوەبەسەرچوو لە بەغدا لەگەڵ سەرۆک وەزیرانی عێراق کۆبووەوە و لە کۆبوونەوەکەشدا قوباد تاڵەبانی وتوویەتی، "پێویستە حکومەتی داهاتووی عێراق کێشەی مووچە و بودجەی هەرێم چارەسەربکات".
ئەمڕۆ شەممە ٢٤ـی کانونی دووەمـی ٢٠٢٦، بە گوێرەی راگەیەندراوی کۆبوونەوەکە، لە میانی دیدارەكەدا، سودانی و قوباد تاڵەبانی پێداچوونەوەیان بە پێشکەوتنی گفتوگۆ سیاسییەکانی پەیوەست بە پێکهێنانی حکومەت و مەرجە دەستوورییەکانی دیکە کردووە.
بە گوێرەی راگەیەندراوی نووسینگەی جێگری سەرۆکی حکومەتی ماوەبەسەرچووش، لە کۆبوونەوەکەدا قوباد تاڵەبانی داوای کردووە حکومەتی
داهاتووی عێراق کێشەی مووچە و بودجەی هەرێم چارەسەربکات.
باسی لەوەشکردووە، گفتوگۆش کراوە لەسەر
پتەوکردنی سەقامگیری سیاسی و بەردەوامیی کاری حکومەت لە بەدیهێنان و
مسۆگەرکردین خزمەتکردنی بەرژەوەندییەکانی هاوڵاتیان.
