ئەم راگەیاندنە لە یەکەم ڕۆژی کۆنفرانسی ساڵانەی فیدراسیۆنی نیشتمانی فرۆشتنی تاکەکەسی لە نیویۆرک ئەنجامدرا، کە چاوەڕوان دەکرێت ڕۆڵی زیرەکی دەستکرد لە بازرگانی ئەلیکترۆنی و کاریگەرییەکانی لەسەر رەفتاری بەکاربەران زاڵ بێت بەسەر بەڕێوەچوونی کۆنفرانسەکەدا.

لە بەیاننامەیەکی هاوبەشدا لەگەڵ بەڕێوەبەری جێبەجێکاری گووگڵ و ئەلفابێت سوندار پیچای، سەرۆک و بەڕێوەبەری جێبەجێکاری کۆمپانیای وۆڵمارت جۆن فۆرنەر وتی، "گواستنەوە لە گەڕانی کۆنی وێب یان ئەپەوە بۆ بازرگانی بە سەرکردایەتی بریکار، نوێنەرایەتی پەرەسەندنی گەورەی داهاتوو دەکات لە فرۆشتنی تاکەکەسیدا."

گووگڵ و ئۆپن ئای و ئەمازۆن هەموویان پێشبڕکێ دەکەن بۆ پەرەپێدانی ئامرازەکان کە ئەزموونێکی کڕینی بێ کێشە چالاک دەکەن، بەکارهێنەران لە گەڕانەوە دەباتە کڕین لەناو هەمان بەرنامەدا، لە چەند مانگی ڕابردوودا کێبڕکێی نێوان ئۆپن ئەی و گووگڵ چڕتر بووەتەوە، ئۆپن ئەی تایبەتمەندی کڕینی خێرا لە چوارچێوەی چات جی پی تیدا خستووەتە بازاڕەوە، کە ڕێگە بە بەکارهێنەران دەدات بەرهەم لە فرۆشیارە هەڵبژێردراوەکانی تاکەکەسی و فرۆشیارانی Esty بکڕن بەبێ ئەوەی بەرنامەکە بەجێبهێڵن.

لە لایەکی دیکەوە کۆمپانیای نەرمەکاڵا Salesforceمەزەندەی کردووە کە زیرەکی دەستکرد کاریگەری لەسەر ٢٧٢ ملیار دۆلار هەبووە، واتە ٢٠%ی کۆی فرۆشتنی تاکەکەسی جیهانی.

سەبارەت بە بەردەستبوونی جوگرافیای گووگڵ رایگەیاند کە تایبەتمەندیەکانی کڕینی کۆمپانیای Gemini کە بە Ai کاردەکات لە سەرەتادا تەنها بۆ بەکارهێنەرانی ئەمریکا بەردەست دەبێت، بەڵام بەنیازە لە چەند مانگی داهاتوودا لە ئاستی نێودەوڵەتیدا فراوانتر بکات.