PM:02:51:04/01/2026
944 جار خوێندراوەتەوە
زیاتر لە ٥٠ کەس لە بەغدا بەهۆی خواردنی ریزۆوە گەیەندرانە نەخۆشخانە و بەپێی ئامارەکان زۆرینەیان منداڵن و خواردنەکە لەلایەن دوو کەسی گەڕۆکەوە دابەشکراوە.
ئەمڕۆ ٤ـی کانونی دووەمی ٢٠٢٦، لە ناوچەی یوسفییەی باشوری بەغداد زیاتر لە ٥٠ کەس رەوانەی نەخۆشخانە کران کە زۆرینەیان منداڵن و هۆکارەکەی ژەهراویبوون بووە بەهۆی خواردنی ریزۆوە.
سەرچاوەیەک لە ئاساییشی ناوچەکە رایگەیاندوە، سەرجەم ئەو کەسانە
خواردنەکەیان لە ژن و پیاوێکی گەڕۆکی نەناسراو وەرگرتووە کە ئۆتۆمبێلێکی جۆری
کیایان پێبووە و خواردنیان دابەشکردووە و لێکۆڵینەوەکانیش سەلماندویانە کە
سەرجەمیان بەهۆی ئەو خواردنەوە ژەهراوییبوون.
سەرچاوەکە وتیشی،
لە ئێستادا لێکۆڵینەوەکان دەستیان پێکردووە بۆ دۆزینەوە و دەستگیرکردنی ئەو دوو
کەسە و هۆکاری رووداوەکە.
