PM:07:02:23/12/2025
996 جار خوێندراوەتەوە
لە چوارچێوەی سەردانیکردنی لایەن و کەسایەتییە سیاسییەکان بۆ تاوتوێکردنی پڕۆسەی ئاشتی، شاندی ئیمراڵی لەگەڵ وەزیری دادی تورکیا و سەرۆکی پەرلەمان کۆبوونەوە. دوای کۆبوونەوەکانیش شاندەکە باسیان لە گرنگیی زەمینەیەکی یاسایی بۆ پڕۆسەکە کرد.
ئەمڕۆ یەکشەممە ٢٣ـی کانونی یەکەمی ٢٠٢٥، شاندی ئیمراڵی کە پێکهاتبوون لە پەروین بوڵدان، میدحەت سانجار و فایک ئۆزگور ئەرۆڵ، لەگەڵ یەڵماز تونج وەزیری دادی توركیا و نوعمان کورتولموش سەرۆکی پەرلەمان کۆبوونەوە.
میدحەت سانجار دوای کۆبوونەوە لەگەڵ وەزیری داد وتی، ئامانجیانە ئاشتی
لەڕێگەی یاساوە مسۆگەر بکرێت و لەگەڵ وەزیری داد تاوتوێی هەموارکردنەوە
یاساییەکانی تایبەت بە پرۆسەی ئاشتییان کردووە، وتیشی، تەنها بە زەمینەی
دادپەروەری و گرەنتی یاسایی دەتوانرێت ئاشتییەکی هەمیشەیی بەدیبهێنرێت و لەو
بابەتەشدا ئەرک و رۆڵێکی کاریگەر دەکەوێتە سەر وەزارەتی داد.
دوای کۆبوونەوەکەشیان لەگەڵ سەرۆکی پەرلەمان پەروین بوڵدان ئەندامی
شاندی ئیـمڕاڵی وتی، چاوەرواندەکرێت کارەکانی کۆمیسیۆنی ئاشتی ناوەڕاستی مانگی
داهاتوو کۆتاییبێت و ئاماژەی بەوەشدا، ئیرادەیەکی سیاسی لە پشتی پرۆسەکە هەیە و
هەموو لایەنەکانیش بەشدارن لە سەرخستنی پرۆسەی ئاشتی لە تورکیا.
