AM:11:01:01/09/2025
1644 جار خوێندراوەتەوە
ئەمڕۆ رۆژی دەستبەکاربوونەوەی مامۆستایانە لە قوتابخانە حکومییەکاندا و مامۆستایانیش دەڵێن، دواکەوتنی مووچە ئەمساڵیش کاریگەری لەسەر پرۆسەی خوێندن دەبێت.
ئەمڕۆ دووشەممە ١ـی ئەیلولی ٢٠٢٥، بەپێی رێنمایی ساڵانەی وەزارەتی پەروەردە، رێککەوتی یەکی نۆی هەموو ساڵێک پێویستە مامۆستایان و فەرمانبەران لە قوتابخانەکان ئامادەییان هەبێت بۆ دڵنیابوونەوە لە دەستبەکاربوونیان و واژۆی لەسەر بکەن.
هاوکات لە
سەرجەم قوتابخانەکان ئامادەکارییەکان بۆ دەستپێکردنی ساڵی نوێی خوێندن
دەستیپێکردووە و بەڵام تا ئێستا وەزارەتی پەروەردە رۆژى دەستپێکی خوێندنی ئەمساڵی
دیاری نەکردووە.
ئەوە
لەکاتێکدایە، لە مانگی نۆداین و هێشتا مامۆستایان مووچەى مانگی شەشیان وەرنەگرتووە
و ئەمەش هاوشێوەى ساڵانی رابردوو کاریگەریی زۆری لەسەر مامۆستایان دروستکردووە بەو
هۆیەشەوە دەڵێن گرفت بۆ پرۆسەى خوێندن دروستدەبێت.
