AM:10:26:30/08/2025
1024 جار خوێندراوەتەوە
لەدوای دووبارە سەرهەڵدانەوەی ئاگرەکەی پێنجوێن و سووتانی دوو کەس بەهۆیەوە، ئاگرەکە هێشتا بەردەوامە و هاوڵاتییانی سنوورەکەش دەڵێن، زیاتر تەشەنەی کردووە و تا ئێستا پۆلیسی دارستانی پێنجوێن نەهاتووە بۆ کوژاندنەوەی ئاگرەکە.
ئەمڕۆ شەممە ٣٠ـی ئابی ٢٠٢٥، تا دێت ئاگرەکەی گوندەکانی سنوری پێنجوێن زیاتر تەشەنە دەکات و لە کۆنتڕۆڵ دەرچووە، دانیشتوانی ناوچەکەش دەڵێن تا ئێستا پۆلیسی دارستانی پێنجوێن نەهاتووە بۆ کوژاندنەوەی ئاگرەکە و بە تەنها خەڵکی خۆبەخشی ناوچەکە سەرقاڵی کوژاندنەوەی ئاگرەکەن.
ئەمەش لەکاتێکدایە، چەند رۆژێکە ئەو ئاگرە
سەریهەڵداوە و سەرەتا توانرا کۆنترۆڵ بکرێت بەڵام دواتر دووبارە سەریهەڵدایەوە و بەهۆیەوە
دوو کەس کە لە هەوڵی کوژاندنەوەی ئاگرەکە بوون، بە سەختی سووتان و رەوانەی
نەخۆشخانەی فریاکەوتن کران.
