PM:08:32:07/08/2025
2248 جار خوێندراوەتەوە
پەروەردەی هەرێم دەڵێت، كۆرسی چوارەمی فێركردنی زمانی كوردی بەشێوەی ئۆنلاین بۆ منداڵانی كورد لە وڵاتانی دەرەوە، لەسەرەتای مانگی ١٠ـی ئەمساڵ دەستپێدەكات، داواش لە كوردانی هەندەران دەكات منداڵەكانیان لەهەر ئاست و تەمەنێكدایە، تۆمار بكەن.
ئەمڕۆ پێنجشەممە ٧ـی ئابی ٢٠٢٥، وەزارەتی پەروەردەی هەرێم لە راگەیەندراوێكدا بڵاویكردەوە، بەڕێوەبەرایەتی خوێندنی دەرەوەی وڵات لە وەزارەتەکەیان، لەرێگەی كۆنفیدراسیۆنی رەوەندی كوردستانی لە دەرەوەی وڵات، لەساڵی ٢٠٢٢ـەوە خزمەتگوزاری كۆرسی فێركردنی زمانی كوردی بەشێوەی ئۆنلاین بۆ كوردستانیانی دیاسپۆرا فەراهەم كردووە.
ئاماژە
بەوەشكراوە، لەم بوارەدا تا ناوەڕاستی ساڵی (٢٠٢٥) سێ كۆرس بە بەشداری هەزار
هاووڵاتی لە وڵاتانی جیاجیای جیهانەوە بەسەركەوتوویی بەڕێوەچووە، بەشداربووان
بڕوانامەی فەرمی وەزارەتی پەروەردەیان پێبەخشراوە.
لە بەشێكی
راگەیەندراوەكەدا هاتووە، لە ئێستادا وەزارەتی پەروەردە ئامادەكاری بۆ دەستپێكردنی
كۆرسی چوارەم دەكات كە لە ١ـی تشرینی یەکەمـی ٢٠٢٥، دەستپێدەكات، وانەكان لەلایەن
مامۆستایانی كارامەی زمانی كوردی بە هەرسێ شێوەزاری سۆرانی و بادینی و كرمانجی
دەوترێنەوە.
بۆ تۆماركردن و
پڕكردنەوەی فۆڕمی ئەلیكترۆنی، كلیك لێرە بکەن بكەن
