PM:04:46:28/07/2025
7380 جار خوێندراوەتەوە
لە سبەینێوە ناونووسین بۆ تاقیکردنەوەى دیاریکردنى ئاستى زمانى ئینگلیزى (placement test) لە زانکۆکانى کوردستان دەستپێدەکات و ئەو کەسانەی خوازیارن سێ رۆژیان لەبەردەستە بۆ پێشکەشکردنی داواکاری.
ئەمڕۆ دووشەممە ٢٨ـی تەمموزی ٢٠٢٥، وەزارەتى خوێندنى باڵا و توێژینەوەى زانستى هەرێم ئاگادارییەکی بڵاوکردووەتەوە و دەڵێت، لە سبەى سێشەممە تا رۆژی پێنجشەممەی ئەم هەفتەیە ناونوسین بۆ تاقیکردنەوەى دیاریکردنى ئاستى زمانى ئینگلیزى (placement test) لە سەنتەرى زمانى زانکۆکانى کوردستان دەستپێدەکات.
ئەوانەی
خوازیاری بەشداریکردنن لە تاقیکردنەوەکان دەتوانن داواکارییەکانیان لە رێگەى ئەم
لینکەوە پێشکەش بکەن.
تاقیکردنەوەی
دیاریکردنی ئاستی زمانی ئینگلیزی لە زانکۆکانی کوردستان پڕۆسەیەکە بۆ پۆلێنکردنی
خوێندکارانی خوێندنی باڵا بەپێی توانای زمانیان.
ئەم
تاقیکردنەوەیە کە لێهاتووییەکانی خوێندنەوە، نووسین، گوێگرتن و قسەکردن دەپێوێت،
مەرجێکی سەرەکییە بۆ وەرگرتن لە خوێندنی باڵا و دەستپێکردنی خوێندنی ئەکادیمی.
زانکۆکان لە
رێگەی سەنتەرەکانی زمانەوە سەرپەرشتی دەکەن تا دڵنیابن لەوەی خوێندکاران ئاستی
پێویستیان هەیە.
