کێشەی کەمئاوی لە شارۆچکەی ماوەت و گوندی سوورەقەڵات چارەسەرکرا و پۆلیسی دارستان و ژینگەی سلێمانیش لەو بارەوە زانیاری دەدات.
ئەمرۆ هەینی ١٨ـی تەمموزی ٢٠٢٥، پۆلیسی دارستان و ژینگەی سلێمانی بڵاویکردەوە، ماوەیەکە کێشەی کەم ئاوی رووی لە ناوچەی ماوەت و گوندی سوورەقەڵات کردووە، بۆ بەدواداچوونی ئەو کێشەیە و دۆزینەوەی هۆکار و چارەسەر کردنی، لەسەر راسپاردەی قائیمقامیەتی شارۆچکەی ماوەت و شارباژێڕ لیژنەیەکی هاوبەش لەنێوان بەشی پۆلیسی دارستان و ژینگەی ماوەت و یاریدەدەرێتی ئاسایشی ماوەت و بنکەی پۆلیسی ماوەت پێکهێنرا.
دەشڵێت، لە
دوای گەڕان و پشکنین و بەدواداچوون دەرکەوت لەسەر چەم و رووباری نزیک لە گوندەکانی
(قەشان، خێوەتە، کونە ماسی) بەشێوەی زیادەڕۆیی و دوور لە رێنماییەکان چەند
بەربەستێک دروست کراون و ئامێری (غەتاس)ی تیادا بەکارهێنراوە، هەربۆیە رێژەی ئاو
زۆر کەمی کردووە.
باسی
لەوەشکردووە، هەربۆیە لەلایەن ليژنەکەوە سەرجەم بەربەستەکان لابران و رێنمایی درا
بە خاوەن باخەکان بە پێی پێویست و بە لەبەر چاوگرتنی وەرزی کەمئاوی و وشکە ساڵی
ئاو بەکار یهێننن.
پۆلیسی دارستان
و ژینگەی سلێمانی ئاماژەی بەوەشکردووە، لە ئێستادا چارەسەری کێشەی کەم ئاوی کراوە
لەناو شارۆچکەی ماوەت و گوندی سوورەقەڵات.