وتیشی، حکومەتی عێراق هیچ ساڵێک مووچەی هەر ١٢ مووچەکەی مووچەخۆرانی هەرێمی نەناردووە و دواجار وەزارەتی دارایی عێراق بڕیاری داوە مووچەی هەشت مانگی ساڵی ٢٠٢٥ نەنێرێت، لە كاتێكدا لە ١٣ ملیار دیناری پشكی هەرێم بۆ ساڵی ٢٠٢٥، تەنیا چوار ملیار دینار نێردراوە.

لەبارەی هەناردەكردنەوەی نەوتی هەرێم دەشڵێت، عێراق جگە لەوەی مووچە و بودجە بۆ هەرێم نانێرێت، ئاستەنگیش لەبەردەم هەناردەكردنەوەی نەوتی هەرێم دروست دەكات، تاكوو نەتوانێت ئابوورییەكەی ببووژێنێتەوە و مووچە دابین بكات.
باسی لەوەشکردووە، هەرێم هەموو ئاسانكارییەكی بۆ مەرجەكانی عێراق و رێككەوتن لەگەڵ كۆمپانیاكان كردووە و گرێبەستەكانی نێوان هەرێم و كۆمپانیاكان بەپێی بڕیاری دادگاكانی عێراق یاسایین، بەڵام حكومەتی عێراق ئاستەنگی نوێ لەبەردەم پرۆسەكە دروست دەكات، تاكوو هەرێم لە رووی ئابوورییەوە لاواز بکات و توانای خۆبژێویی نەبێت وەک لە سەرەتای ٢٠١٤وە رووی داوە.

ئەمەش لەکاتێکدایە، بەهۆی پابەند نەبوونی بە دەستوور و داهاتی ناوخۆوە، تا ئێستا مووچەی مانگی پێنج دابەش نەکراوە، کێشەی مووچەخۆرانی هەرێم بە هەڵپەسێردراوی ماوەتەوە.