PM:08:28:10/06/2025
2396 جار خوێندراوەتەوە
وەزارەتی کارەبای حکومەتی ماوەبەسەرچوو لەبارەی بڕیاری راگرتنی کارەبا بۆ عێراق و دەڵێت، ئەو وێستەگانەی بەرهەمهێنانی کارەبا کە پێشتر لە لایەن هەرێمەوە لە کار وەستابوون، لە ئێستادا بەردەوامن.
ئەمڕۆ سێشەممە ١٠ـی حوزەیرانی ٢٠٢٥، وەزارەتی کارەبای حکومەتی ماوەبەسەرچوو روونکردنەوەیەکی بڵاوکردەوە و وتی، ئەو وێستەگانەی بەرهەمهێنانی کارەبا کە پێشتر بە هۆی نەبوونی سووتەمەنیی پێويست لە لایەن هەرێمەوە لە کار وەستابوون لە ئێستادا بەردەوامن.
ئاماژەی
بەوەشکرد، لەسەر بەرهەمهێنانی کارەبا و هەناردەکردنی و دەنگۆی وەستاندن و راگرتنی
بەرهەمهێنان و هەناردەکردنیان دوورە لە راستییەوە.
هاوکات وەزارەتی کارەبای عێراقیش وتی، کڕینی کارەبا لە هەرێمی
کوردستانەوە بەردەوامن، تاکە بچڕان هێڵی عێراقی- تورکیایە بەهۆی کاری
چاککردنەوە تێیدا بچڕاوە.
فرۆشتنی کارەباش بە شارەکانی دیکەی عێراق لە کاتێکدایە، حکومەتە ماوەبەسەرچووەکەی مەسرور بارزانی و قوباد تاڵەبانی نرخی کارەبایان ١٣ هێندەی پێشوو لەسەر هاوڵاتییان گران کردووە.
