PM:05:33:19/03/2025
3184 جار خوێندراوەتەوە
حکومەتى کاربەرێکەر رایگەیاند، وەزارەتەکانی تەندروستی و دارایی و ئەنجومەنی گشتی راژەی ڕاسپارد لەگەڵ وەزارەتی دارایی عێراق لە پەیوەندیدا بن، بۆ دامەزراندنی دەرچووانی کۆلیژە پزیشکيیەکان بۆ ساڵی ٢٠٢٤.
ئەمڕۆ چوارشەممە ١٩ـی ئازاری ٢٠٢٥، حكومەتی کاربەڕێکەر راگەیەندراوێکی بڵاوکردەوە و تێیدا هاتووە، لە کۆبوونەوەى حکومەتى کاربەڕێکەردا باس لە کێشەى ئەو کەسانەش کراوە کە لەسەر میلاکی دامەزراوەکانی حکومەتى کاربەڕێکەری هەرێم بە هەمیشەیی و گرێبەست دامەزراون، بەڵام مووچەیان بۆ نەبەستراوە لەلایەن وەزارەتی دارایی.
هەر لە راگەیەندراوەکەدا هاتووە، حکومەتی کاربەڕێکەر وەزارەتی دارایی راسپێردووە کاری پێویست بۆ دابینکردنی مووچەی
ئەو کەسانە ئەنجام بدات و کار بۆ چارەسەرکردنی گرفتی خەرجنەکردنی مووچەکانیان بکات.
ئەوەشی خستەڕوو، تەوەرێکی دیکەی کۆبوونەوەکە
تایبەت بوو بە دامەزراندنی دەرچووانی بەشە پزیشکییەکان، حکومەتی کاربەڕێکەر،
وەزارەتەکانی تەندروستی و دارایی و ئەنجوومەنی راژەی راسپارد، کاری پێویست بۆ ئەم
دەرچووانە بکەن و ئەنجامی هەوڵەکانیان لە کۆبوونەوەی داهاتووی بخەنەڕوو، بۆ ئەوەی
بڕیار لەبارەی دامەزراندنیان بدرێت.
