دواى زیاتر لە دوو هەفتە لە دەستبەسەرداگرتنى پارەکەى بەغدا لەلایەن حکومەتى کاربەڕێکەرەوە، وەزارەتی دارایی حکومەتی کاربەڕێکەری هەرێم لیستی مووچەی مانگی دووی بڵاو کردەوە، بەڵام لە لیستەکەدا ناوی چەندین وەزارەت و بەڕێوەبەرایەتی تێدا نییە.
ئەمڕۆ پێنجشەممە، وەزارەتی دارایی حکومەتی کاربەڕێکەری هەرێم لیستی مووچەی مانگی دووی بڵاو کردەوە و لیستەکەش ناوی چەند وەزارەت و بەڕێوەبەرایەتییەکی تێدا نییە.
هەریەکە لە دیوانی
وەزارەتی پێشمەرگە و لیواکان، یەکەی ٧٠ و ٨٠، هێزی زێرەڤانی و فەرماندەی بەرگری و
فریاکەوتن، ئەنجومەن و دەزگای ئاسایش ناویان لە لیستی مووچەدا نییە.
هاوکات، بەڕێوەبەرایەتی
دامودەزگا نەوتییەکان، بەڕێوەبەرایەتی گشتیی رەگەزنامە، سەرۆکایەتی هەرێم، سەرۆکایەتی
پەرلەمان و سەرۆکایەتی ئەنجومەنی وەزیران ناویان لە لیستی مووچەدا نییە.
بە گوێرەی لیستەکە، رۆژی شەممە، ٣٠ـی
مانگی سێ، وەزارەتی تەندروستی، خانەنشینی شارستانی، کاروباری کۆمەڵایەتی، خاوەن پێداویستی
تایبەت، دارایی و ئابووری و ناوخۆ مووچە وەردەگرن.
رۆژی یەکشەممە ٣١ـی مانگی سێ، وەزارەتی
پەروەردە، داد، ئەنجومەنی دادوەری، ئەوقاف و کاروباری ئاینی، مافی مرۆڤ، دەستەی دەستپاکی، دەستەی وەبەرهێنان، دەستەی ژینگە، دەزگای
مین، ناوچەکانی دەرەوەی هەرێم، کۆمسیۆنی باڵای هەڵبژاردن، دیوانی چاودێری دارایی و
پلاندانان مووچە وەردەگرن.
رۆژی دووشەممە، یەکی مانگی چوار،
بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی
ئاو، شارەوانی و گەشتوگوزار، ئاوەدانکردنەوە و نیشتەجێکردن و رۆشنبیری و لاوان
مووچە وەردەگرن.
رۆژی سێشەممە، دووی مانگی چوار، وەزارەتی
کارەبا، خوێندنی باڵا، کاروباری شەهیدان و ئەنفالکراوان، کەسوکاری شەهیدان، زیندانیانی
سیاسی و خانەنشینی پێشمەرگە مووچە وەردەگرن.