ئاماژەی بەوەشکرد، هەندێک لە بازرگانییەکانی دیکەی عێراق دەبێتە هۆی شەرمەزارکردنی سیاسەتی ئەمریکا لە ناوچەکە بۆیە ئەمریکا نایەوێت بازرگانییەکانی عێراق بە یاسایی بناسێنێت.

ئەوەشی خستەڕوو، لە ئێستادا عێراق توانای جێبەجێکردنی ئەو چارەسەرانەی نییە کە لە سەردەمی مستەفا کازمی سەرۆک وەزیرانی پێشووی بەکارهات، چونکە لە ئەمریکا متمانەی بە حکومەت و پارێزگاری بانکی ناوەندی ئێستای عێراق نییە بۆیە چارەسەرە نێودەوڵەتییەکانی دۆلار بەردەست نین.

باسی لەوەشکرد، حکومەتی ئێستای عێراق تاڕادەیەک توانیویەتی نرخی دۆلار بپارێزێت بە شێوەیەک کە نەبێتە هۆی نیگەرانی شەقام و هاوڵاتیان، بەڵام هێشتا ئاڵنگارییەکانی پارێزگاریکردن لە نرخی دۆلار بەردەوامە و حکومەتی عێراق سورە لەسەر بەرەنگاربونەوەی و لەلایەکی دیکەوە ئەمریکاش دەیەوێت بازرگانییە ناڕونەکانی عێراق رابگرێت بۆ ئەوەی دۆلار نەگاتە دەستی کەسانی گومان لێکراو.

ئەوەشی ئاشکرا کرد، بۆ ئەوەی نرخی بەرزی دۆلار چارەسەر بکرێت، لەسەر حکومەت پێویستە لە رێگەی چەند دەستپێشخەرییەکەوە پشتیوانی لە پیشەسازی ناوخۆ بکات و تاتوانای هەبێت پیشەسازی دەرەکی رەتبکاتەوە لەو کاتەدا دۆلاری عێراق لە ناوخۆدا خەرجدەکرێت و دەکرێت دۆلاری دەرەوەش بێتە عێراق و نرخی دۆلار ئاسایی دەبێتەوە.