لە ئێستادا لە بازاڕی دراوەکان لە هەرێم ١٠٠ دۆلار بەرامبەر بە ١٤٩ هەزار و ٤٥٠ دینار ماماڵەی پێوەدەکرێت و بەراورد بە ئەمڕۆ کاتی کردنەوەی بازاڕ دوو هەزار و ٥٥٠ دینار لە بەهاکەی دابەزیوە.
ئەمڕۆ یەکشەممە، بەهای دۆلار بەراورد بە دوو رۆژی رابردوو دابەزی و لە دەرنگانی شەویشدا دۆلار زیاتر دابەزی و بەراورد بە کاتی کردنەوەی بازاڕ هەر ١٠٠ دۆلارێک دوو هەزار و ٥٥٠ دینار لە بەهاکەی کەمیکرد.
ئەمڕۆ
بانکی ناوەندى هیچ دۆلاری نەخستەبازاڕەوە و رۆژی پێنجشەممە، ٢١٠ ملیۆن و ٨٨٤ هەزار و ٣٥٨ دۆلارى خستووەتە بازاڕەوە کە ٣٠ ملیۆن
و ٢١٠ هەزاری بەشێوەی کاش بووە و ١٨٠ ملیۆن و ٦٧٤ هەزار و ٣٥٧ دۆلاریشی بەشێوەی حەواڵە
بووە.
دوێنێ
شەممە، ئەلینا رۆمانۆوسکی باڵیۆزی ئەمەریکا لە عێراق لە هەژماری تویتەری خۆیەوە رایگەیاند،
لەبارەی ١٤ بانکەکەی عێراق لەگەڵ وەزارەتی گەنجینەی ئەمەریکا و بانکی ناوەندی عێراق
گفتووگۆی کردووە و بانکی ناوەندی رێوشوێنی گونجاوی بەرامبەر ئەو بانکانە گرتەبەر و
ئەمەریکاش هیچ سزایەکی بەسەردا نەسەپاندن.
لەماوەی
رابردوو بەهۆی حەواڵەکردنی دۆلار بۆ ئێران و فەنزوێلا، ١٤ بانکی عێراقی مامەڵەی
دراوی دۆلاریان لێ قەدەغەکرا و بڵابوونەوەی ئەم هەواڵە کاریگەری لەسەر دۆلاری بازاڕ
هەبوو و بە شێوەیەک نرخی هەر ١٠٠ دۆلارێک بۆ سەروو ١٥٥ هەزار دینار بەرزبووەوە.