بەڕێوەبەرایەتی گشتی تەندروستی سلێمانی چەند رێنماییەکی خۆپارێزی لە توشبوونی بە تای خوێنبەربوون بڵاوکردەوە و دەڵێت، بەمەبەستی دووربوون لە نەخۆشی تای خوێن بەربوون پێوستە لەکاتی سەربڕینی ئاژەڵ بۆ جەژنی قوربان رەچاوی ئەم رێنماییانە بکرێن.
ئەمڕۆ هەینی، بەڕێوەبەرایەتی گشتی تەندروستی سلێمانی راگەیەنراوێکی بڵاوکردەوە و تیایدا ئاماژەی بەوەداوە، بۆ دووربوون لە نەخۆشی تای خوێن بەربوون پێوستە لەکاتی سەربڕینی ئاژەڵ بۆ جەژنی قوربان ئەم رێنماییە زانستییانە جێبەجێ بکرێن:
١- سەربڕینی ئاژەڵ پێویستە لەناو ئەو سەربڕینخانانەدا
بێت کە رێگە پێدراون و پزیشکی ڤێنتەرنەی سەرپەرشتی دەکات .
۲- لەکاتی سەربڕینی
ئاژەڵدا و کەوڵکردن و پارچە پارچەکردنی گۆشتەکەیدا
پۆشینی جل وبەرگی خۆپارێزی وك ( دەستکێش، جزمە،
سەدریەی پلاستیك، ماسکی دەمووچاو ) پێویستە
لەبەرکرێن.
۳- نابێت
خانەوادە یان خەڵک کۆ ببنەوە لە چواردەوری سەربڕەکە (قەساب) وە نابێت هاوکاری بکەن
لەکاتی سەربڕینی ئاژەڵ و پارچە پارچە کردنی گۆشت.
٤- بەبێ دەستکێش مامەڵەکردن لەگەڵ جەستەی ئاژەڵی سەربڕاو مەکە
و دوای پۆشینی دەستکێش و کەلوپەلی خۆپارێزی گۆشتەکە پارچەپارچە بکە و پاشان دەستت
بەباشی بشۆ .
٥- لابردنی
پاشماوەی ئاژەڵە سەربڕاوەکان و دانانی کیسی داخراو و فڕێدانی بۆشوێنی تایبەت .
٦- بەکارهێنانی
چەقۆ و تەختەی پارچەپارچەکردنی تایبەت بەگۆشت و شتن و پاکژکردنەوەی تەختە و چەقۆکان
دوای بەکارهێنان.
۷- پاککردنەوەی
ئەو شوێنەی ئاژەڵەکەی لێ سەردەبڕێت، بەتایبەت ئەو شوێنانەی خوێنی لێیە بە ماددەی
کلۆریین (بلیچ- موعجیزە) روونکراوە.
۸- باشتر وايە گۆشت دواى سەربڕينى ئاژەڵ بۆماوەى
نيو كاتژمێر لە پلەى (٤ - ٨) پلەى سەدى هەڵبگيرێت پاشان بەكاربهێنرێت، بەڵام گۆشتی
کوڵاو هیچ کێشەی نیە و سەلامەتە و نابێتە
هۆی توشبوون بەنەخۆشی تای خوێن بەربوون .
۹- ئەگەر ئاژەڵ گەنە يان مێرووى ترى هەبوو باشتر وايەنەكڕدرێت يان سەر نەبڕێت بەمەبەستی دوربوون لە نەخۆشى تاى خوێن بەربوون.
لەکۆتایی راگەیەنراوەکەی
تەندروستی سلێمانیشدا هاتووە، ئەم نەخۆشییە لەنێوان ئاژەڵەکان دەگوازرێتەوە. هەروەها،
بەهۆی گەنە و مێروەکانی کە لەسەر ئاژەڵەکان دەژین و خوێن و گۆشتی ئاژەڵەکەوە بۆ
مرۆڤیش دەگوازرێتەوە .