PM:10:18:04/11/2025
192 جار خوێندراوەتەوە
+
-
فلیک دوپاتیکردەوە
یارییەکی قورسیان لە پێشە و ئەم وەرزەشیان بەراورد ناکرێت بە وەرزی پێشوو.
پێش رووبەڕووبوونەوەی
بەرشەلۆنە لەگەڵ کلوب برووج، هانسی فلیکی راهێنەری یانەکە رایگەیاند، یارییەکەیان
لە ئاستێکی بەرزدا دەبێت و یانە بەلجیکییەکە دەیانەوێت کۆنترۆڵی یاریگا بکەن و شێوازی
یاریزان دژی یاریزان پەیڕەو دەکەن، هەروەها پشتیش بە تۆپی بەرز دەبەستن، ئەوەش
کێشە بۆ تیپەکەی درووست دەکات.
جەختی لەسەر
ئەوەشکردەوە، ئەنجامدان و نەدانی نەشتەرگەری بۆ یاماڵ بابەتی ئەو نییە، ئەوەی
گرنگە یاریزانەکە یارییەکی باشیان بۆ دەکات، ئەگەر بشتوانێت لە یارییەکەدا پشتی
پێدەبەستن.
وتیشی: وەک پێشتر وتم دەبێت سێ خاڵەکە بەدەستبهێنین، هیچ یارییەک ئاسان نییە،
دەبێت عەقڵیەتێکی باشمان هەبێت، بەرامبەر ئێلچێ، لیڤا و ئۆلمۆمان بۆ گەڕایەوە، بۆ
ئەم یارییەش زۆر باش مەشقمان کردووە، بەڵام یارییەکی ئاسان نییە.
سەبارەت بە ئاستی جەستەی تیپەکەشی وتی: ناتوانین
بەراوردی بکەین بە وەرزی رابردوو چونکە ئێستا چەند یاریزانێکی پێکراومان هەیە،
وەرزی رابردوو رافینیا و لیڤا و لامینەمان لە هێرشبردندا هەبوو، بەڵام ئەم وەرزە هەر
سێکیان کێشەی پێکانیان هەبووە.