PM:09:46:03/03/2025
328 جار خوێندراوەتەوە
+
-
ئەنچیلۆتی پێش روبەڕوبوونەوەی ئەتلەتیكۆ هۆشداری دایە هێڵی بەرگری و
سیمیۆنیش دەڵێت ریاڵ مەدرید لە چامپیۆنز لیگ نائاساییە.
پێش روبەڕوبوونەوەی ئەتلەتیكۆ مەدرید كارلۆ ئەنچیلۆتی راهێنەری ریاڵ مەدرید
رایگەیاند، یارییەكی قورسیان لە پێشە و بێگومان ناتوانن بردنەوەیەكی یەكلاكەرەوە
بەدەستبهێنن، هۆشداری دایە هێڵی بەرگری یانەكەشی سەبارەت بە یارییەكە.
باسی لەوەشكرد، ڤاڵڤێردی رۆژی پێشوو راهێنانی بە تەنیا ئەنجامداوە و
پاشانیش لەگەڵ تیپەكە راهێنان دەكات، پێش یارییەكە بڕیاری كۆتایی دەدەن لەسەر یاریپێكردنی
یاخود پێنەكردنی.
ئاماژەی بەوەشدا یاری دێربی هەمیشە بەهێز بووە و چ لە پاڵەوانێتییەكەی
ئەوروپی یاخود لە ئیسپانیا، لەبەر ئەوەش دەزانن یارییەكی بەهێز و پڕ ركابەری
چاوەڕێیانە.
لەلایەكی ترەوە دیگۆ سیمیۆنی راهێنەری ئەتلەتیكۆ رایگەیاند، بە پەرۆشییەكی
زۆرەوە دەچنە یاری بەرامبەر ریاڵ مەدرید و خۆشی بە جۆرێك دەست بە یارییەكە دەكات
وەك بڵێی یەكەم یارییەتی لەگەڵ ئەتلەتیكۆ، لە هەوڵەكانیشی بۆ گەیاندنی یانەكە بە
لوتكە بەردەوام دەبێت.
باسی لەوەشكرد، هەمیشە ریاڵ مەدرید و بەرشەلۆنەی وەك دوو یانەی گەورەی مێژووی
تەماشاكردووە، دەزانێت یانەكەی ئەوان لە ئاستی ئەو دووانەدا نین بەڵام دڵخۆشن كە
بەردەوام لە پێشكەوتندان.
سەبارەت بە ریاڵ مەدرید لە چامپیۆنزلیگ وتی: هەموو تیپەکان مێژوویان هەیە و
مێژووی ڕیاڵ مەدرید لە چامپیۆنزلیگ نائاساییە، بە دڵنیاییەوە ئەم یارییە دەرفەتێکی
نوێمان بۆ دەڕەخسێنێت بۆ نووسینی چیرۆکێکی نوێ.