PM:11:52:29/03/2025
324 جار خوێندراوەتەوە
+
-
فلێک دوپاتیکردەوە ئەو 10 یارییەی ماویانە گرنگی خۆیان هەیە و رێزێکی زۆری ریاڵ مەدریدیش دەگرێت.
پێش یارییەکەیان بەرامبەر جیرۆنا لە خولی ئیسپانیا، هانسی فلێکی راهێنەری بەرشەلۆنە رایگەیاند، بە تامەزرۆییەوە چاوەڕێی ئەو یارییە دەکەن و بەردەوام دجەنگن لە یاریگادا.
فلێک وتی، زۆر باش دەزانین کە ئەو 10 یارییەی ماومانە سەرجەمیان گرنگی تایبەتی خۆیان هەیە، بە دڵنیاییەوە ئامانجمان بردنەوەی سەرجەم یارییەکانی ناو یاریگای خۆمانە و دەبێت بە باشی ئاگاداری یارییەکانی دەرەوەی یاریگای خۆمان بین.
وتیشی، بە دڵنیاییەوە کاتێکی زۆرمان لەبەردەمدا نەبووە تا ئامادەکاری تەواو بکەین بۆ ئەم یارییە بەڵام ئەوە بیانوو نییە و متمانەم بە یاریزانەکانم هەیە ئەنجامی زۆر باش بەدەستبهێنن.
دەشڵێت، لامین یامال یاریزانێکی گرنگە و دەزانێت چۆن یارییەکان بەڕێوەببات و لە بارودۆخێکی زۆر باشدایە، گاڤیش دەتوانێت کاری گەورە ئەنجامبدات و ئاستبەرزی یاریزانەکانیش بوونەتە هۆکاری ئەوەی کە چێژ ببینم لە راهێنەرایەتی کردنی بەرشەلۆنە.
لەسەر وەڵامی لێدوانەکەی کارلۆ ئەنچیلۆتی، فلێک دوپاتیکردەوە کە رێزێکی زۆری ریاڵ مەدرید دەگرێت و ئەو راهێنەرەش یەکێکە لە باشترینەکانی جیهان، هیچ کاتێک لێدوانی نەرێنی لەسەر بەرامبەر نادەم.
خ . ک