PM:03:43:25/08/2021
916 جار خوێندراوەتەوە
+
-
ئەتلەتیکۆ مەدرید بە شێوەیەکی فەرمی گرێبەستێکی بۆ پێنج وەرز لەگەڵ ماتیۆسی
هێرشبەری هەڵبژاردەى بەڕازیل و یانەى هێرتا بەرلینی ئەڵمانی واژووکرد و
یاریزانەکەى سامبا تا هاوینی 2026 لە یانەى دووەمی شاری مەدرید بەردەوام دەبێت و
بڕی گواستنەوەکەش لە یانە ئەڵمانیەکەوە 30 ملیۆن یۆرۆ بووە.
ماتیۆسی 22 ساڵ یەکێکە لە یاریزانە لاوەکانی هێڵی پێشەوە و یانەى ئەتلەتیکۆ
لە پێنج ساڵی داهاتوودا سوودێکی زۆر لەو یاریزانە دەبینێت کە توانای هەیە لەسەرجەم
پێگەکانی هێڵی پێشەوە یاری بکات و مەترسی بۆ یانەى ڕکابەر درووستبکات.
لاوە بەڕازیلیەکە لە 2017 وە لە یاریگاکانی
ئەوروپا یاری دەکات و پێشتر لە ڕیزەکانی نیۆنی سویسری و لایپزیگی ئەڵمانی یاریکردووە
و لەگەڵ نیۆن 10 گۆڵ و هەشت ئاسیستی تۆمارکردووە و لەگەڵ هێرتا بەرلینیش خاوەنی 13 گۆڵ و 10 ئاسیست
بووە.
ماتیۆس لە ئۆڵۆمپیادی تۆکیۆش
ڕۆڵێکی گەورەى هەبوو لە بەدەستهێنانی نازناوەکە بۆ بەڕازیل و بەرامبەر میسر خاوەنی
گۆڵی بردنەوە بووە لە چارەکی کۆتایی و لە یاری کۆتایشدا بەرامبەر ئیسپانیاش خاوەنی
گۆڵی یەکەم بووە.