PM:11:43:25/08/2026
72 جار خوێندراوەتەوە
+
-
گواستنەوەی واتکینز بۆ هیلال بازاڕی
گواستنەوەکانی ئەورووپا و یانەی میلان دەهەژێنێت.
کارە خێرا و یەکلاکەرەوەکانی یانەی هیلالی سعوودی
بۆ ئیمزاکردنی گرێبەست لەگەڵ ئۆلی واتکینز شڵەژانێکی گەورەی لە بازاڕی
گواستنەوەکانی هاوینەی ئەورووپادا دروست کردووە کە کاریگەریی ڕاستەوخۆی لەسەر
یانەی میلانی ئیتالیش دروست کردووە.
بەپێی
زانیارییەکانی تۆڕی زە ئەتلەتیک، واتکینز بە فەرمی کارگێڕیی ئەستۆن ڤێلای لە
ئارەزووی خۆی بۆ چوونە هیلال ئاگادارکردووەتەوە کە ئەوەش وایکردووە یانە
ئینگلیزییەکە بڕواتە ناو کێبڕکێی گواستنەوەی جێگرەوەکانی.
ئەستۆن
ڤێلا بە فەرمی ئۆفەری پێشکەشی یانەی میلان کردووە تاوەکو ڕافائێل لیاوی باڵی
پورتوگالی بگوازێتەوە و لە هەمان کاتدا ئۆفەرێکی تری ئاراستەی فلیپ ماتێتای
هێرشبەری کریستال پالاس کردووە تاوەکو بە تەواوی لە ڕووبەڕووبوونەوەکانی وەرزی
نوێدا هێڵی پێشەوەی خۆی تۆکمە بکات.