PM:10:45:25/08/2026
64 جار خوێندراوەتەوە
+
-
کێبڕکێی شەباب و ئیتیفاق بۆ گواستنەوەی ریاز
مەحرەز گەرم دەبێت بەڵام ئاستنەگیان لە پێشە.
یانەکانی شەباب و ئیتیفاق چوونهتە ناو
دانوستانێکی جدییەوە تاوەکو لەم هاوینەدا گرێبەست لەگەڵ ڕیاز مەحرەزی ئەستێرەی
جەزائری ئیمزا بکەن و لە خولی سعوودیدا بیهێڵنەوە,
بەپێی
زانیارییەکانی ڕۆژنامەی شەرقولئەوسەت هەردوو یانەکە ئامادەن مووچەی ساڵانەی 10
ملیۆن دۆلار بەم هێرشبەرە جەزائرییە ببەخشن دوای ئەوەی سێ وەرزی مێژووییی لەگەڵ
یانەی ئەهلی بەسەربرد و دوو جار لەسەر یەک نازناوی چامپیۆنزلیگی ئاسیای بەدەستهێنا.
سەرەڕای هەوڵەکان بەڵام پرۆسەی گواستنەوەکە تووشی
ئاستەنگی دارایی بووەتەوە چونکە بودجەی تەرخانکراوی بەرنامەی ڕاکێشانی یاریزانان
بۆ هەردوو یانەکە پڕبووەتەوە و هێشتا پشتگیریی نوێیان بەدەستنەهێناوە.
بەمەش
بەرپرسانی هەردوو یانەکە لە کاتەکانی کۆتایی بازاڕی گواستنەوەدا هەوڵەکانیان
چڕکردووەتەوە تاوەکو چارەسەرێکی دارایی بەپەلە بۆ مانەوەی مەحرەز لە سعوودیە
بدۆزنەوە.