AM:11:46:25/08/2021
1476 جار خوێندراوەتەوە
+
-
12 هەزار هاندەر ئامادەى یارى کلاسیکۆى زەوى نێوان بەرازیل و
ئەرجەنتین دەبن لە پاڵاوتنى مۆندیالدا.
دەسەڵاتدارانى شارى ساو پاولۆى بەڕازیل بە چەند مەرجێک ڕەزامەندییاندا
لەسەر ئامادەبوونى 12 هەزار هاندەر لە یارى نێوان هەردوو هەڵبژاردەى بەڕازیل و ئەرجەنتین،
کە ئەو یارییە بە کلاسیکۆى زەوى ناسراوە.
یارییەکە لە جەولەى شەشەمى دواخراوى پاڵاوتنەکانى ئەمریکاى باشورە بۆ
مۆندیالى 2022ى قەتەر و بڕیارە لە پێنجى مانگى داهاتوو لە یاریگاى ئەرینا
کۆرەنتیانس بەڕێوەبچێت.
پێویستە لەسەر هاندەرە ئامادەبووەکان ئەنجامى نەرێنى پشکنینى ڤایرۆسى
کۆرۆنا پێشکەش بکەن، کە 48 کاتژمێر پێش یارییەکە ئەنجامدرابێت و دواى یارییەکەش
سەرجەم بەشداربووەکان پشکنینى نوییان بۆ دەکرێتەوە و بۆ ماوەى 15 ڕۆژ چاودێرى
دەکرێن.
ئەمیندارى گستى وەرزش لە ویلایەتى ساو پاولۆ ڕایگەیاندووە، گەڕانەوەى
هاندەران لەو یارییەدا وەک تاقیکردنەوەیەکى ئەزمونى دەبێت، لە پێناوى ڕێگەدان بە
گەڕانەوەى هاندەران لە داهاتوودا.
گ . ف