AM:09:50:25/08/2021
912 جار خوێندراوەتەوە
+
-
لە جامى ئینگلتەرا، ئیڤەرتۆن لە هیدێرسفیڵدى بردەوە و سەرکەوت بۆ قۆناغى سێیەم، ئەمشەویش ئارسناڵ
دەبێتە میوانى وێست برۆمیچ.
لە قۆناغى دووەمى جامى یەکێتى یانە پیشەگەرەکانى ئینگلتەرا، یانەى ئیڤەرتۆن
لە دەرەوەى یاریگاى خۆیدا، ڕووبەڕووى یانەى هیدێرسفیڵد تاون بووەوە و ئیڤەرتۆن بە
دوو گۆڵ بەرامبەر بە گۆڵێک یارییەکەى بردەوە.
بەمەش ئیڤەرتۆن سەرکەوتنى بۆ قۆناغى سێیەم بەدەستهێنا و گۆڵەکانیشى لە
خولەکەکانى 26 و 79دا لەلایەن ئەلێکس ئەیوبى و ئەندرۆس تاونسێندەوە تۆمارکرد، تاکە
گۆڵەکەى هیدێرسفیڵدیش تۆم لیس لە خولەکى 45دا تۆماریکرد.
لە یارییەکانى تردا، وڵڤرهامپتۆن بە چوار گۆڵى بێ بەرامبەر لە نۆتینگهامى
بردەوە و واتفۆردیش بە گۆڵێکى بێ بەرامبەر سەرکەوتنى بەسەر کریستاڵ پاڵاسدا بەدەستهێنا.
ئەمشەویش دوایین سێ یارى قۆناغەکە دەکرێن، کاتژمێر نۆ و 45 خولەکى شەو،
نیوکاسڵ یونایتد میواندارى بێرنلى دەکات و ساوسامپتۆن و نیوپۆرتیش ڕووبەڕووى یەکدەبنەوە،
کاتژمێر 10ش، ئارسناڵ لە دەرەوەى یاریگاى خۆیدا بەرامبەر وێست برۆمیچ یارى دەکات.
گ . ف