PM:03:30:02/01/2026
160 جار خوێندراوەتەوە
+
-
سبەینێ لە خولی ئیسپانیا بەرشەلۆنە
رووبەڕووی ئیسپانیۆل دەبێتەوە و لە پریمەر لیگ ئارسناڵ دەبێتە میوانی بۆرنمۆس.
یارییەکانی خولە ناوخۆییەکان بەردەوامییان
هەیە و سبەینێ لە هەفتەی 19ی خولی ئیسپانیا و لە کاتژمێر 11، یانەی بەرشەلۆنە لە
دەرەوەی یاریگای خۆی و لە دێربی کەتەلۆنیا دەبێتە میوانی یانەی ئیسپانیۆل.
بەرشەلۆنە کە بە کۆکردنەوەی 46 خاڵ و بە
جیاوازی چوار خاڵ لەگەڵ ریاڵ مەدرید لە پێشەنگی ریزبەندی خولی ئیسپانیدایە،
دەیەوێت بە بردنەوەی ئەم یارییە پێگەی خۆی بەهێزتر بکات.
لە بەرامبەردا، یانەی ئیسپانیۆل کە
وەرزێکی نایاب بەڕێدەکات و لە ئێستادا لە پلەی پێنجەمی ریزبەندیدایە، دەیەوێت
یاریی دێربی لە بەرشەلۆنە بباتەوە و بچێتە پلەی چوارەم.
هەر سبەینێ بەڵام لە خولی ئینگلتەرا،
یانەی ئارسناڵ لە دەرەوەی یاریگای خۆی رووبەڕووی نۆتینگهام دەبێتەوە.
ئارسناڵ لە پلەی یەکەمی ریزبەندی خولی
ئینگلتەرادایە و ئامانجی بردنەوەی ئەم یارییە و بەدەستهێنانی سێ خاڵی یارییەکەیە
لەپێناو ئەوەی زیاتر دووربکەوێتەوە لە مانچستەر سیتی دووەم.
لە یارییەکانی تریشدا، هەدوو یانەی
وێستهام یونایتد و ولڤەرهامپتۆن رووبەڕووی یەکدەبنەوە، لە خولی فەرەنساش یانەی
مۆناکۆ لە یاریی لوتکەدا میوانداری ئۆڵمپیک لیۆن دەکات.
خ . ک