PM:02:08:13/07/2024
328 جار خوێندراوەتەوە
+
-
تاریمی بە گرێبەستێکی سێ وەرزی پەیوەندی
بە ئینتەرەوە کرد و رایگەیاند دڵخۆشە بە هاتنەدی خەونەکەی.
یانەی ئینتەر میلانی ئیتاڵی لە
راگەیەندراوێکی فەرمیدا ئیمزاکردنی گرێبەستیان لەگەڵ مەهدی تاریمی هێرشبەری ئێرانی
و یاریزانی پێشووی یانەی پۆرتۆ ئاشكرا کرد.
یانەکە بڵاویکردووەتەوە، گریبەستەکەی
تاریمی لەگەڵ یانەکەیان بۆ ماوەی سێ وەرزە و لە هاوینی 2027 کۆتاییدێت بەڵام
ئاماژەیان بە وردەکاریەکان بە تایبەت مووچەی ساڵانەکەی نەداوە.
دوای ئیمزاکردنی گرێبەستەکە، مەهدی تاریمی
رایگەیاند، هەست بە دڵخۆشی دەکات و هەستێکی باشی هەیە و ئێستا یەکێک لە باشترین
ساتەکانی ژیانی بەڕێدەکات چونکە خەونەکەی هاتووەتە دی.
دەشڵێت، ئینتەر یانەیەکی گەورەی تۆپی پێیە
و خولی ئیتاڵیاش یەکێکە لە بەهێزترینەکان، هەموو هەوڵێک دەدەم کە باشترینی خۆم
پێشکەش بکەم لە پێناو تۆمارکردنی گۆڵ و بردنەوە.
تاریمی پەیامێکی ئاڕاستەی هاندەرانی
ئینتەر کرد و دوپاتیکردەوە کە دەیەوێت ئاهەنگی زۆرترین سەرکەوتن بگێڕێت
لەگەڵیاندا، کێبڕکێی سەرجەم خولەکان بکەن و هەموو هەوڵێک دەدات لەو پێناوەدا.
خ . ک